MovieDialogues

Most Thrilling Drishyam Movie Dialogues

Drishyam is a 2015 Bollywood suspense-thriller film in the Hindi language directed by Nishikant Kamat. This film is basically the remake of the 2013 Malayalam movie with the same name. Drishyam (2015) is one of the best thriller movies made by Bollywood. Drishyam movie dialogues and unbelievable acting by the stars were the two main reasons behind the success of the movie.

Drishyam movie dialogues in Hindi

The movie revolves around a ‘fourth-grade dropout’, his wife and two daughters who became a murder suspect when the son of an Inspector General (IG) of police went missing. The movie showed that the suspect made every effort to protect his family while the police also tried to prove the family guilty. The performance by the lead actors and others are quite impressive. We have collected some of the most famous Drishyam movie dialogues to refresh your memories of the film.

Name: Drishyam
Directed By: Nishikant Kamat
Produced By: Kumar Mangat Pathak, Ajit Andhare, Abhishek Pathak
Starring: Ajay Devgn, Tabu, Shriya Saran, Ishita Dutta, Mrunal Jadhav, Rishab Chadha
Distributed By: Viacom 18 Motion Pictures
Release Date: 31 July 2015
Rating: IMDB 8.2/10, Rotten Tomatoes 80%
Watch Trailer: Link

Drishyam Movie Cast

  • Ajay Devgn as Vijay Salgaonkar
  • Tabu as IG Meera Deshmukh
  • Shriya Saran as Nandini Salgaonkar (Vijay’s wife)
  • Ishita Dutta as Anju Salgaonkar (Vijay’s daughter)
  • Mrunal Jadhav as Anu Salgaonkar (Vijay’s daughter)
  • Rajat Kapoor as Mahesh Deshmukh (Meera’s husband)
  • Rishab Chadha as Sameer “Sam” Deshmukh (Meera’s son)
  • Click here to see the complete cast

Drishyam Movie Dialogues in Hindi

Police Man 1- Suno, ye wahi hain na Vijay Salgaonkar? Police Man 2- Haan sir, wahi hai. Dikhne mein ekdum seedha-saadha lagta hai, lekin jo dikhta hai wo humesa sach nahi hota hai sir. Isne jo kiya hai abhi tak yakeen nahi hota hai.

Jose- Sir usne apko rascal bola. Vijay Salgaonkar- Aur tune suna? Jose- Nahi maine suna nahi, maine Pintu uncle bola na ki dekho Pintu uncle agar apko Vijay sir ko gaali deni hai na toh thoda logical gaali do. Aap unko unpadh bolo, gavaar bolo, chauthi class fail bolo, anaath bolo, lekin rascal? No never, sahi bola na maine?

Jose- Woh 75 saal ke Shirodkar hai na, unki request aayi hai ki aaj koyi masaaledaar adult film lagao. Vijay- Lekin unko toh paralysis hua tha na? Jose- Kya Vijay sir, paralysis toh left side mein hai aur Shirodkar toh right-handed hain.

Vijay (to Inspector Sawant)– Sawant sir, ye ‘police is your friend’ week ka kya matlab hai? Public se dosti karna, unki madad karna yeh toh police ka farz hai. Fir yeh kaam saal mein ek hi hafta kyon? Inspector Sawant- Tum theek keh rahe ho Vijay. Vijay- Lekin jab tak log police mein complaint likhwane se ghabraenge, kuch nahi ho sakta.

Nandini- Tum hass kyo rahe ho, tumhe tension nahi ho rahi hai? Vijay- Kis baat ki? Nandini- Wo ladka… Vijay- Kaun ladka? Anju- Sam. Vijay- Kaun Sam? Main kisi Sam ko nahi jaanta aur na hi koyi ladka iss ghar mein aya tha. Aaj ke baad humein aise hi react karna hoga, jaise ki kuch hua hi nahi tha. Varna darr aur tension ki wajah se hum museebat mein aa sakte hain.

Vijay- Maine tumse kya kaha tha. Nandini- Pata hai lekin main bhul nahi pa rahi hun. Vijay- Bhulna padega, Jo kuch hua uska ek hi saboot bacha hai, humara darr, ushe bhi mitaana hoga.

Ajay devgn dialogues in Drishyam

Senior Inspector- Sameer Deshmukh, IG Meera Deshmukh ka iklautaa beta, teen hafto se missing hai. Phone records ke mutaabik 2 October ko Sameer yaha Pondolem me tha. Yahi hai wo car jise chalaate huye Sameer yaha aya tha. Ye car Paavelim Stone Quarry ke talaab se recover ki gayi hai lekin Sameer ka kuch ata-pata nahi hai.

Inspector Sawant- Faltu badd-badd mat kar Gaitonde. Tera Vijay ke saath jhagda hai isliye isme usko matt ghaseet. Gaitonde- Maine apne aankho se ushe uss car mein baith’te huye dekha hai.

Vijay- Iss mahine ki do taarik ko saniwaar ko tum log kaha the? Anju- Hum sab Satsang ke liye Panji gaye the. Vijay- Kab laute? Anu- Agle din raviwaar ko. Vijay- Kitne baje? Anu- Saam ko. Vijay- Satsang kaha tha? Anu- Panji mein. Vijay- Panji mein kaha? Anu- Patto colony mein. Vijay- Achha, Patto colony me satsang tha? Anju- Patto colony mein ek ashram hai waha pe.

Nandini- Vijay yeh sab kya chal raha hai, Police sach mein aayegi kya? Vijay- 100 percent, kab aayegi pata nahi. lekin aayegi jaroor. Par tum logo ko ghabraane ki koyi jarurat nahi hai. Police ke paas Sam ke baare mein koyi suraag nahi hai, na hi koyi saboot. Haan lekin wo saboot taiyaar karne ki kosis jarur karenge. Isliye wo log tumse ulte-fulte sawaal puchenge, kabhi pyar se kabhi dara-dhamka kar. Sayad mujhe aur tumhari mummy ko tum logo ke aankho ke saamne peete bhi. Lekin unhe agar mann chahaa jawaab nahi mila, toh wo hume chhod denge. Isliye kuch bhi ho jaye apna bayaan harkish mat badalnaa.

Nandini- Vijay hum saniwaar ko yaha nahi the hum ye proof kaise karenge? Office mein ya Martin’s corner mein kisi ne toh tumhe yaha dekha hi hoga. Vijay- Bilkul dekha hoga. Nandini humare saath jo haadsa hua hai uske baad humare saamne bass do hi raaste hain. Ya toh hum haar maan le, ya datt kar mukaabla karein. Mujhe nahi lagta humne koyi paap kiya, isliye haar maan’ne ka toh sawaal hi nahi uthta. Hum mukaabla karenge. Ab yeh ek khel bann chuka hai, jisme jeet bhi ho sakti hai aur haar bhi. Lekin ek baat ki guarantee deta hun, kuch bhi ho jaye tumhe aur bachho ko jail jaane ki naubat nahi aayegi.

Police constable- Sir IG office se fax aya hai. Sir pichle mahine Sameer deshmukh ne school trip me hissa liya tha aur yaha ke Vidya Vikas Vidyalaya ke do chhatra bhi usme saamil the. Unme se ek hai Anju Salgaonkar. Vijay Salgaonkar ki beti, adopted. Senior Inspector- Adopted? yeh mujhe pata nahi tha.

Inspector Sawant- Vijay jab 20-21 saal ka tha toh ushe ek din raste par kachde ke dibbe ke paas ek bachhi mili thi, chand maheene ki ladki ko koyi yun hi chhod ke chala gaya tha. Vijay khud anaath hai, isliye wo uss bachhi ko lekar ghar gaya. Baad mein usne usse legaly adopt bhi kiya hai. Senoir Inspector- Abhi tak mujhe lag raha tha ki Anju usi ki beti hai. Kya Gaitone, aise nek insaan par iljaam laga rahe ho saram nahi aati hai tumhe. Gaitonde- Sir ek anaath bachhi ko godd liya iska matlab ye nahi na ki wo crime nahi karr sakta.

Vijay- Jo hua usko saabit karne ke liye Police ke paas bas ek hi saboot hai, humara darr. Isliye jo hua ushe bhul jaao aur normal rehne ki kosis karo. Police ko bilkul nahi pata hai iss ghar mein kya hua tha. Wo sirf circumstantial evidence ke bina par humse puchh-tachh karenge. Unke sawaalo ka jawaab bina darre huye dena. Wo jhuth-muth ki baate karenge, lekin tum Sam ko jaanti ho iss baat se kabhi inkaar nahi karna. Bass wahi baate chhupana jo iss ghar mein huyi thi.

Tabu's dialogues in Drishyam in Hindi

IG Meera Deshmukh- Kya naam hai uska? Senior Inspector- Vijay Salgaonkar. IG Meera- Are you sure ki Sam ki gaadi wahi chala raha tha? Gaitonde- Madam mujhe gaadi ka number yaad nahi hai, lekin wo yellow colour ki Hyundai Getz car hi thi. Mahesh Deshmukh- Lekin gaadi Vijay Salgaonkar hi chala raha tha yeh pakka hai? Gaitonde- Haan sir, ekdum pakka sir. Mahesh- Lekin wo log to keh rahe hain ki 2 aur 3 taarik wo log Panji mein the. Gaitonde- Sir wo jhuth bol rahe hain.

Mahesh- Jhuth bol rahe hain? lekin saare usne jo trip ke proof dikhaaye wo? Senior Inspector- Usne hume hotel bills aur bus ticket dikhaye. Lekin wo asli hai ya farzi yeh to check karne ke baad hi pata chalega. IG Meera- Agar Gaitonde sach bol raha hai toh wo sare bills duplicate honge, khair wo pata lagaana muskil nahi hoga. After all wo ek chauthi fail gawaar aadmi hai kitna hoshiyaar ho sakta hai.

Mahesh- Listen, ye investigation sahi direction me to ja raha hai na? IG Meera- Haan, I think so. Mahesh- Fir koyi bhi saboot hamein kyun nahi mil raha hai. Saare gawaah aur saare saboot usi ki taraf hai. IG Meera- I know Mahesh, iss wakt saare saboot aur gawaah Vijay ki taraf hain lekin main jaanti hun wo jhuth bol raha hai. Wo sab jhuth bol rahe hain. I can feel it. Hum police walon ko admi ke baat karne se pata chal jata hai ki wo sach bol raha hai ya jhuth. Maine ushe gawaar samajh kar bahut underestimate kiya hai Mahesh. Bhool thi meri. Wo chauthi fail jarur hai lekin wo bahot chalak hai, bahot saatir hai.

IG Meera- Very well played, chauthi fail Vijay Salgaonkar. Lekin main jaanti tumne ye sab kaise kiya. 3 October ko Vijay Sam ki car se Panji chala gaya, waha kisi restaurant se usne parcel liya, fir usne ek mobile phone kharida, sayad second hand aur usme Sam ka sim card daal diya aur fir usne wo phone kisi national permit ke truck me fek diya aur usne sayad Sam ki car ko stone quarry ke talaab me dump kar diya. Fir wo wapas kisi restaurant me gaya aur 4 paav bhaji ke parcel liye. Usi din usne cinema ke 4 tickets bhi kharide. Fir wo Taligaon bus stand gaya aur 3 baje waha ke ATM se paise nikale aur fir wahi se kadamba ki bus pakad kar 4 tickets kharid ke Pondolem laut gaya. Raat ko apne office gaya aur Jose ko bataya ki agle din wo satsang mein hissa lene ke liye Panji ja raha hai.

Agli subah wo apni family ko lekar Dinkar ki private bus se Panji gaya. Vijay ne ushe bhi bataya ki sab satsang mein hissa lene ke liye Panji ja rahe hain. Panji pahuch ke kareeb 9 baje wo Swami Chinmyanand ke ashram pahucha hoga. Fir unhone saam tak ka sara wakt ashram me hi gujara. Waha Vijay ko pravachan ke DVD ke baare mein pata chala hoga aur usne kisi dusre naam se DVD book kar li hogi. Saam ko sab lodge pahuche aur sayad jab manager Nandini ko room dikha raha tha tab Vijay ne register mein 2 taarik ke page par apna naam likh diya. Aur manager ke lautane ke baad writing badal ke kisi jaali naam pe room leliye.

Fir raat ko kahi baahar khana khaya aur agli subah fir se usi restaurant se khana mangwaya jaha se 3 tarik ko parcel liya tha. Lodge se checkout karne ke baad wo family ko usi restaurant le gaya jaha se usne 4 paav bhaji ke parcel liye the. Waha un sab ne paav bhaji hi khaayi aur bill dete wakt hotel ke owner se dosti kar li. Saam ko wo film dekhne gaye aur cinema hall ke projectionist se jaan pehchan kar li aur fir bus stand pe ATM se paise nikaalne ke bahaane Vijay bus se utra lekin ATM me gaya hi nahi. Bus se laut’te wakt unhone ne Kadamba ke bus conductor se bhi dosti kar li.

Ghar laut ke kuch dino baad Vijay ne apne family ke saath baith ke Swami Chinmyanand ke pravachan ki DVD dekhi aur usne 5 tarik ke saare bilon ko faad ke fek diya aur humein sare 3 tarik ke bill dikhaye. 4-5 din baad Vijay dubara apne family ke saath Panji gaya aur fir unhi sab logo se mila aur baato-baato mein bahut chaalaaki se un sab ke dimag mein ye baat fit kar daali ki wo 2 october ko apne family ke saath satsang mein Panji aya tha aur 3 october ki saam ko wapas lauta. Aur isi liye un sab ko pata hi nahi tha wo jhuthe bayaan de rahe hain. Wo to samajh rahe the ki wo sach bol rahe hain. Masterstroke.

Ajay Devgn dialogues in Drishyam movie

Nandini- Vijay tumhe nahi lagta ki unki jindagi puri tarah se barbaad ho gayi hai, waise bhi uski kya galti thi. IG hone ke saath-saath wo maa bhi to thi. Aisa lag raha hai ki zurm humne kiya hai aur saja unhe bhugatni padd rahi hai. Vijay- Ye tumhara baddhapan hai ki tum aisa soch rahi ho. Lekin agar Sam ke jagah Anju hoti aur Anju ki jagah Sam to kya IG Meera apne bete ko bachaane ki kosis nahi karti? Zarur karti. Isme kuch bhi sahi ya galat nahi hai. Insaan apne family ke bina jee nahi sakta, uske liye kuch bhi kar sakta hai. Chaahe duniya ushe matlabi kahe ya khudgarj. Is haadse ko bhool jana hi humare liye behtar hai.

Mahesh- Aj hum tumhe IG, police ya businessman nahi balki ek maa aur baap ki haisiyat se milne aaye hain. Jab maa aur baap ban’ne ki ummid chhod di thi humne to achaanak humein ek beta hua, iklauta beta. Sayad isi liye humne use laad aur pyar ke saath bada kiya ki aaj humein pachhtawa ho raha hai. Saanti se sochne par humein yah ehsaas hua ki humare bete ke saath jo kuch bhi hua ya nahi hua uske zimmedar sayad hum hi hain. Humare laad aur pyar ne ushe iss kadar bigaad diya tha.

Jaane-anjaane mein humne tumhari family ko bahut takleef pahuchayi hai. Sorry. Hum log ye desh chhod ke ja rahe hain, lekin jaane se pehle Vijay hume sirf itna bata do ki humare Sam ke saath hua kya hai. You know abhi bhi phone ki ghanti bajti hai toh lagta hai ki Sam ka phone hoga. Door bell bajti hai to lagta hai ki darwaaze ke baahar Sam khada hai. Yeh suspense bardast nahi hoga humein, hum log jee nahi payenge iss tarah. Bas humein itna bata do ki hum log Sam ka intezaar karein ya na karein.

Vijay- Humein bhi maaf kar dijiye, kaash mera dil bhi aap jitna bada hota lekin main to sirf ek chauthi fail aam admi hoon, jiski ek biwi hai aur do betiyaan, bas yahi meri duniya hai. Aur iske aage maine na kabhi kuch socha. Ek din iss duniya mein ek bin bulaye mehmaan aa jata hai. Wo humari iss chhoti si duniya ko tabaah karne ki saaziss karta hai. Hum ushe rokne ki kosis karte hain, bheekh tak maangte hain, lekin wo nahi sunta.

Fir unjaane mein ek haadsha ho jata hai aur hum us bin bulaye mehmaan ko aisi jagah pahucha dete hain jaha se wo kabhi wapas nahi aayega. Humne aapko duniya ka sabse bada dard pahuchaya hai, kayi baar maafi maangne ki kosis ki aur mann-hi-mann maangi bhi. Hum aur kar bhi kya sakte the, mere liye meri family sabse jyada important hai aur unke liye main kuch bhi kar sakta hun, kisi bhi hadd tak ja sakta hun aur uss wakt mere liye kuch bhi sahi ya galat nahi tha. Humein maaf kar dijiye.

These were the most thrilling and popular Drishyam movie dialogues in Hindi. Hope you enjoyed it.

Leave a Reply

Your email address will not be published. Required fields are marked *