HollywoodMovieDialogue

Forrest Gump Inspirational Dialogues in Hindi

Forrest Gump is a 1994 American drama movie directed by Robert Zemeckis. The movie is based on the 1986 book of the same name. This movie is one of Tom Hanks’s greatest movies of all time. It is based on the life of an intellectually disabled man who achieved immense fame and success in every field he engaged himself in. The dialogues and outstanding acting by every cast are the reason why it is still the favourite movie for many Tom Hank fans. Check out all the inspirational Forrest Gump dialogues in Hindi that will again refresh the memories of this great movie.

Forrest Gump dialogues in Hindi

In the year 1995, Forrest Gump received 13 Academy Award nominations and won 6 Oscars, including Best Actor in Leading Role, Best Picture, Best Directing, Best Visual Effects, Best Film Editing, and Best Writing. The movie also grabbed the People’s Choice Award for Favorite Movie, Golden Globe Award for Best Director and Best Actor. Don’t miss these inspirational Forrest Gump dialogues in Hindi.

Name: Forrest Gump
Directed By: Robert Zemeckis
Produced By: Wendy Finerman, Steve Tisch, Steve Starkey
Starring: Tom Hanks, Robin Wright, Gary Sinise, Mykelti Williamson, Sally Field
Distributed By: Paramount Pictures
Release Date: 6 July 1994
Rating: IMDB 8.8/10, Rotten Tomatoes 71%, Metacritic 82%
Watch Trailer: Link

Forrest Gump Cast

  • Tom Hanks as Forrest Gump
  • Robin Wright as Jenny
  • Gary Sinise as Lieutenant Dan
  • Mykelti Williamson as Benjamin Buford “Bubba” Blue
  • Sally Field as Mrs. Gump
  • Click here to see the complete cast

Forrest Gump dialogues in Hindi

Hello, Mera naam hai Forrest, Forrest Gump. Meri mama humesa kaha karti thi bete yeh jo zindagi hai yeh chocolate ke dibbe ki tarah hai, pata nahi tumhe kya mile.

Mama humesa kaha karti thi aap logo ke baare mein kaafi kuch bata sakte hain unke juto se, wo kaha ja rahe hain, wo kaha rahe hain. Maine bahot se jute pehne hain. Jaroor agar main dimaak par zor dalu toh pehle jute yaad aa jayenge. Mama kehti thi ki wo mujhe har jagah le jayenge. Wo mere jaadu ke jute the.

Jab main bachha tha mama ne mera naam uss mahaan civil war hero ke naam par rakha- General Nathan Bedford Forrest. Mama ne kaha Forrest wala hissa mujhe yaad dilane ke liye hai ki kayi baar hum sab kuch aisi baat karte hain jinka koyi matlab nahi hota.

Mama humesa kuch is tarike se samjhaati ki mujhe baat samajh mein aa jaati.

Ajeeb baat hai, ek naujawan aadmi ko kya-kya yaad rehta hai. Kyonki mujhe paida hona yaad nahi, ye yaad nahi ki mujhe apni pehli christmas par kya mila tha, aur mujhe ye bhi yaad nahi ki kab main apni pehli outdoor picnic ke liye gaya tha. Par mujhe jaroor yaad hai jab pehli baar sabse pyari awaz suni thi. maine apne zindagi mein itni khubsurat ladki nahi dekhi thi, woh farishte jaisi thi. Main bas uske saath uss bus mein baith gaya aur school tak humari baat-cheet chalti rahi.

Mama ke alawa kisi ne kabhi mujhse koyi baat nahi ki thi ya sawaal puche the. Toh uss din ke baad se hum humesa ikkathe hote the, Jenny aur main. Usne mujhe pedo pe chadhna sikhaya aur maine ushe latakna sikhaya. Usne mujhe sikhaya ki padhte kaise hain aur maine ushe sikhaya ki kaise jhulte hain. Kayi baar hum bas baahar baithe rehte aur sitaaro ka intezar karte. Kisi kaaran Jenny kabhi nahi jana chaahti thi. Woh meri sabse khaas dost thi, meri akeli iklauti dost.

Bewkoof utna hi bewkoof hota hai jitni wo bewkoofi karta hai.

Mama humesa batati ki harr roj chamatkar hote hain. Kuch log aisa nahi sochte par woh hote hain. Ab apko yakeen nahi ayega agar maine bataya ki main hawa se tej bhaag sakta hun.

College itni jaldi beet gaya kyonki maine itna football khela ki unhone mujhe waha bhi daal diya jise kehte hain All American Football Team.

Mujhe nahi pata tha ki main kisase milunga aur mujhse kya puchenge. Toh Bubba tha Bayou La Ba tre Alabama se aur uski maa jhinge pakaati thi aur uski maa ki maa bhi jhinge pakaati thi aur uski maa ki maa bhi jhinge pakaati thi. Bubba ke pariwar ko woh sab kuch pata tha jo ki jaroori tha shrimping business ke baare mein.

Forrest- Bye-bye Jenny, woh mujhe bhej rahe hain, Vietnam. Woh bilkul hi alag desh hai. Jenny- Tumhe mujhse ek wada karna hoga, Jab bhi tum kisi musibat me fas jao tum bahaadur ban’ne ki kosis mat karna, sirf bhaagna.

Forrest Gump and Jenny dialogues in Hindi

Agar mujhe pata hota ki Bubba aur mai akhiri baar baat kar rahe hain toh main kuch behtar kehne ki kosis karta. Aur fir Bubba ne kuch aisa kaha jo main kabhi bhul nahi paunga- “Main ghar jana chaahta hun” Bubbba mera pakka dost tha, par mujhe bhi pata hai ki ye kuch aisa hai jo nukkad par toh nahi mil sakta. Bubba toh shrimping boat ka captain ban’ne wala tha, par bajaay iske wo Vietnam me wo nadi ke kinaare marr gaya. Mujhe uske baare mein bas yahi kehna hai.

Kisi bhi wajah se ping pong mera kudrati swabhav bann gaya. Toh mai sara samay ping pong khelne laga. Main ping pong tab bhi khelta jab mere saath khelne ke liye koyi na hota. Hospital ke log kehte isne mujhe pani mein batakh sa bana diya hai, pata nahi iska matlab jo bhi ho. yaha tak ki Lieutenant Dan mujhe aakar khelta dekhte. Maine itna ping pong khela ki main neend mein bhi khelta tha.

Maine socha main wapas Vietnam ja raha hun par unhone faisla kiya ki mere liye communist se ladne ka sabse achha tarika hai ping pong khelna. Toh main special services mein aa gaya. Main pure desh mein ghumta raha aur un ghayal vetrans ko ping pong khelna sikhata raha. Main itna maahir tha ki kuch saal baad army ne faisla kiya ki mujhe All American Ping Pong Team mein hona chahiye. Aur kisi ne kaha ki sansaar ki saanti ab humare haath mein hai, lekin main toh bas ping pong khelta raha. Aur jab main ghar lauta mai national celebrity tha.

Lieutenant Dan- Mujhe batao kya tum kabhi Jesus se mile ho Gump? Forrest- Mujhe nahi pata tha mujhe ushe dhudna hai sir.

Forrest- Mujhe inme se ek shrimping boat kharidni hai, jaise hi mere paas kuch paisa aa jata hai. Maine Bubba ko wada kiya tha Vietnam me ki jaise hi ye ladayi khatm hogi hum bhaagidari karenge. Wo captain hoga shrimping boat ka aur main first mate. Lekin ab jabki wo marr chuka hai toh mujhe hi captain ban’na padega. Lieutenant Dan- Ek shrimp boat ka captain? Forrest- Yes sir, ek wada toh wada hota hai Lieutenant Dan. Lieutenent Dan- Mai tumhe ek baat batata hun, jis din tum captain banoge main waha aaunga tumhara first mate ban’ne.

Mujhe lagta hai Lieutenant Dan ne hisaab laga liya tha ki kuch cheeje badalti nahi hai, unhe apaahiz kehlana pasand nahi tha, jaise mujhe bewkoof kehlana pasand nahi tha.

Maine Bubba ko wada kiya tha aur main humesa apna wada nibhaane ki kosis karta hun, toh main Bubba ke pariwar ko milne gaya unka parichay paane ke liye. Aur beshak maine Bubba ko apni sraddhanjali di. Dar’asal main wo sab laga raha hun, gas, rassiyan aur naye nets aur brand new shrimp boat par. Bubba ne mujhe wo sab bata diya tha jo wo shrimping ke baare mein jaanta tha, par pata hai maine kya pata lagaya? Shrimping bahot kathin hai.

Bahot arse se maine Jenny ki koyi khabar nahi suni thi par main uske baare mein bahot socha karta tha aur main ummid karta tha ki wo jo kuch bhi kar rahi hai usme khus rahe.

Forrest Gump inspirational dialogues

Ab kyun ki mai ek football star tha kabhi, ek war hero aur ek national celebrity aur shrimp boat ka captain aur ek college graduate, toh City Father’s of Greenbow Alabama ne ikkattha hokar mujhe ek naukri dene ka faisla kiya. Toh main Lieutenant Dan ke paas dubara kaam karne kabhi nahi gaya, halaki unhone jarur mere Bubba-Gump Company ko sambhala.

Kyon ki mai gazillionaire tha mujhe ye kaam bhi karna achha lagta tha. Main muft mein ghaas kat’ta. Par raat ke samay jab kuch karne ko nahi hota tab aur jab pura ghar khali hota main humesa Jenny ke bare mein sochta.

Jenny wapas aa gayi aur mere saath hi rehne lagi. Sayad isliye ki uske paas kahi aur jane ki jagah nahi thi ya sayad isliye ki wo itna thak gayi thi kyonki wo sone gayi aur soti rahi aur soti rahi, jaise kayi salo se wo soyi hi na ho. Ushe ghar par pa kar bahot achha laga. Har roz hum lambi sair ko jate aur main badd-badd karta rehta jaise pedd par baitha bandar ho. Aur wo sunti rehti ping pong ke baare mein, shrimping ke baare mein, swargwasi mama ke baare mein. Main pura samay baate karta rehta. Jenny zyadatar khaamos hi rehti.

Mujhe sach-much kabhi pata na chala ki wo wapas kyon aayi, par mujhe parwaah nahi thi. Ye toh puraane wakt ki tarah tha, waise hi jaise samose mein aloo. Aur hum pariwar ke tarah the, Jenny aur main. Aur ye mere jivan ka sabse khusi ka samay tha.

Uss din kisi khaas wajah se maine faisla kiya daudne ka, toh mai sadak ki aakhir tak dauda. Jab main waha pahucha to maine socha mujhe sahar ke antt tak daudna chahiye. Aur jab main waha pahucha maine socha sayad main Greenbow county ko paar kar lun. Aur fir maine hisaab lagaya ki agar main itni duur tak dauda hun toh sayad main Alabama ke iss mahaan state ko paar kar lun. Aur maine yahi kiya, maine Alabama ke state ko paar kar liya. Bina kisi vishes kaaran ke main daudta gaya. Jab main thak jata to so jata aur jab bhukh lagti to kha leta.

Meri mama humesa kaha karti thi ki tumhe apna ateet piche chhodna padta hai isase pehle ki tum aage badho. Aur mere khayaal se mere daudne ka yahi arth tha. Main 3 saal 2 mahine 14 din 16 ghante tak dauda tha.

Forrest Gump Quotes in Hindi

Jenny mujhe pata nahi ki mama sahi thi ya Lieutenant Dan sahi the, agar hum sab ki apni kismat hai ya hum yun hi tair rahe hain hawa ki tarah intefaaq se. Par main sochta hun, sayad hum dono hain, sayad dono hi ho rahe hain ek hi samay mein. I miss you Jenny.

Other popular Forrest Gump dialogues in Hindi

Mrs. Gump- Kabhi bhi kisi ko yeh mat kehne do ki wo tumse behtar hai Forrest. Agar khuda sabko ek jaisa banana chahte toh wo sabke taango par braces lagaaye hote.

Mrs. Gump- Yaad rakhna jo maine tumhe bataya Forrest, tum dusro se alag nahi ho. Tum bilkul waise hi ho jaise baaki ke log hain, tum’me koyi fark nahi hai.

Forrest Gump with his mama

Mrs. Gump- Tum daro nahi sweatheart. Maut bhi zindagi ka ek hissa hai. Ye hum sabke bhagya mein likhi hoti hai. Mujhe pata nahi tha mere bhagya me tumhari mama ban’na tha. Aur maine ise nibhaya bhi. Forrest- Aap ne bahot achha kiya mama. Mrs Gump- Mera man’na hai tum apna bhagya khud banaate ho, tumhe usase behtareen kaam karna hai jo khuda ne tumhe diya hai. Forrest- Mera bhagya kya hai mama. Mrs Gump- Tumhe ye khud pata lagana padega.

Bubba- Jaante ho mujhe shrimping business ke baare mein saari baate malum hain. Asal me main khud shrimping business mein jaane wala hun, ek baar army se nikal jaun bas.

These were the inspiring and popular Forrest Gump dialogues in Hindi. Hope you enjoyed it.

Leave a Reply

Your email address will not be published. Required fields are marked *