MovieDialogues

Jolly LLB 2 dialogues in Hindi

Jolly LLB 2 is a 2017 black comedy movie written and directed by Shubhash Kapoor. The film has drama, emotion, comedy and action. Meaningful Jolly LLB 2 dialogues and fabulous acting are the main reasons behind the success of the movie. The movie shows both the light and dark side of politics, government, judiciary, forces and media. Overall this is really a must-watch movie. To bring back the memories of this fantastic Bollywood movie, we have brought the top Jolly LLB 2 dialogues for you.

Jolly LLB 2 dialogues in Hindi

Name: Jolly LLB 2
Directed By: Shubhash Kapoor
Produced By: Fox Star Studios
Written By: Shubhash Kapoor
Starring: Akshay Kumar, Annu Kapoor, Huma Qureshi, Saurabh Shukla
Distributed By: Fox Star Studios
Release Date: 10 February 2017
Rating: IMDB 7.2/10
Movie Trailer: Link

  • Akshay Kumar as Jagdishwar Mishra
  • Huma Qureshi as Pushpa Pandey
  • Saurabh Shukla as Judge Tripathy
  • Annu Kapoor as Advocate Mathur
  • Sayani Gupta as Hina Siddiqui
  • Kumud Mishra as Suryaveer Singh
  • Ram Gopal Bajaj as Rizvi Sahab
  • Brijendra Kala as Dubeji
  • Rajiv Gupta as BirbalĀ 

Jolly LLB 2 dialogues in Hindi

Jolly- Apna-apna paper guru ji ko dedo. Tumhare sabhi jawaab theek hain. Is baar angrezi mein Barak Obama ki maa bhi tumhe fail nahi kar sakti. Jai Hind. Unknown- Lekin tumne kaha tha ki aakhiri ke chaar sawaalon ke jawaab galat hain. Jolly- Jagdishwar Mishra urf Jolly naam hai chacha. Peshe se vakeel hain aur rehne wale hain Kanpur ke. Tum jaise angutha chhaap bhi agar hume chuna laga gaye to humari sasuri vakaalat ki degree kis kaam ki.

Unknown- Wooden stamp paper bhi mangwa lena Munsi ji. Jolly- Kyu, apni vasheehat humare naam likhni hai kya? Ya panditaayin ko talaaq dena hai? Aur munsi humare baap the Pandey ji, hum nahi. Aur haan, thode din mein hume ek munsi ki jaroorat padegi, apna bio data bhejwa dena, dekh lenge. Unknown- Arre to itna bhannay kaahe rahe ho bhaiya, hum to majak kiye the. Jolly- Sukar karo sirf bhannay rahe hain, kaat nahi rahe hain. Kaate kya?

Jolly- (to Rizvi Sahab) Sir wo session court wale maater mein agar aap izaazat dede toh main chala jaun sir. Apko jaan kar ke khushi hogi ki maine sara case study kar liya hai. Rizvi Sahab- Humari jagah? Tum? Mia Lucknow mein aaj tak to koyi hua nahi jo humari jagah court mein khada ho sake. Yakeen na ho toh apne walid se puch lo. Court mein adab se khade hona seekh lo pehle. Tu-tadak aur abe-tabe ke alawa tumhe aata kya hai?

Birbal- Ek case hai, karega? Jolly- Party kaun hai? Birbal- Yeh. Jolly- Abe ye kise pakad laya tu? Ise to jeb se paise dene padenge. Birbal- Abe advance leliya hai be. Lekin agar kaam nahi hua toh Jolly paise waapas karne padenge. Jolly- Beta jo vakeel paise waapas kar de na woh vakeel nahi hota.

Dubeji- (to Jolly) Kahaawat sune ho ki nahi? Bina kursi ke neta, bina superhit ke abhineta aur bina chamber ke vakeel ki koyi izzat nahi hai guru.

Judge Tripathy- Bhai koyi Manish Malhotra ko jaanta hai kya yaha par? Mathur Sahab, yeh Manish Malhotra ka lehnga kitne ka aata hoga? Advocate Mathur- Sasta hai sir, 5-6 lakh mein mil jata hai. Judge Tripathy- 5-6 lakh? Tab to lagta hai saadi ka pura budget lehnge mein hi ghus jayega. Ab itna mehnga lehnga lene ke liye toh agle janam mein aapki tarah vakeel hi ban’na padega Mathur sahab. Judge ki salary mein toh ye sab possible hai nahi.

Police Officer- Bahut jaldi hai promotion ki tumko. Kaun innocent hai kaun guilty, koyi fark nahi padta? Is baar lamba fasoge Singh. Inspector Singh- Sir maine life ka pehla encounter aapke hi saath kiya tha. Kisi ko maar ke promotion bhi mil sakta hai, yeh maine aapse hi seekha hai sir. Aaphi ka bachha hun, aashirwad banaye rakhiyega. Milke rahenge toh sab safe rahenge sir.

Advocate Mathur- (to Jolly) Kya haal hai vakeel sahab. Batayiye kya din aa gaye ki aap jaise vakeelon pe bhi goli chalne lagi. Waise aapke baare mein Lucknow bahut afwaahe udd rahi hain ki aapne case chhod diya, humse maafi maang rahe ho, return ho rahe ho Kanpur. Jolly- Kanpur wale maidaan chhod kar kabhi nahi bhaagte Mathur sahab. Aur waise bhi jab tak tum jaise vakeel hai tab tak hum jaiso ka hona bahut zaroori hai taaki balance bana rahe.

Advocate Mathur- This is your problem guru. Bataye the na ki ye Lucknow hai, yaha tu-tadak nahi chalta hai. Bade adbo-adaab se shishtachaar ke saath bolna padta hai- Pehle aap pehle aap. Seekh lo varna saari jindagi Sitapur ki chocolate khaoge. Jolly- Hum jis din apni aukaat par aaye na, by God uss din tumhari adab ki pudiyaa bana kar tumhare pichwaade mein ghusedd denge, na paade niklegi na hage, nikaalne ke liye kehte rehna apne iss lambe assistant ko- pehle aap pehle aap.

Rizvi Sahab- (to Jolly) Tum jo kar rahe ho wo badi himmat ka kaam hai. System se seedha takraane ki ye himmat agar maine dikhaayi hoti na toh sayad Hina aaj jinda hoti. All the best.

Jolly LLB 2 dialogue

Jolly- Mujhe aur kuch nahi kehna janab. Magar Mathur sahab ki ek baat ka jawaab jarur dena chahunga ki hume Suryaveer Singh chahiye ya fir Iqbal Qadri. Janab hume dono hi nahi chahiye. Hume aise Qadri nahi chahiye jo begunaah logon ko maarna jihad samajhte hain lekin hume aise Suryaveer Singh bhi nahi chahiye jo paise ke liye ek militant to chhod dete hain aur kisi bekasur ki jaan lelete hain.

Main himmati bahaadur Police wale ko salaam thokta hun, jhuk kar sajda karta hun. Lekin jiske haath kisi bekasur ke khoon se range ho usse main wahi kahunga jo wo hai, Kaatil. Aur aese rakshaso se bach ke rahiyega Mathur sahab, kisi ne 25-30 Lakh jyada dediye to kya pata agla intefaaq apke saath ho jaye.

Iss duniya ke sabse bade jaahil ne kaha tha ki ishq aur jang mein sab kuch jaayaj hai. Kyunki agar aesa hai toh border par sipahiyon ke sar kaatane wale bhi jaayaj hai aur jawaan ladkiyon par acid fekne wale aashiq bhi. Kyunki agar aesa hai toh fir Iqbal Qadri bhi jaayaj hai aur Shuryaveer Singh bhi.

Judge Tripathy- Saalon mein ek baar, kabhi koyi aisa case aata hai jab iss kursi par baithne ka afshos nahi hota. Nahi to ji main toh roz hi court aata hun. Baitha rehta hun court ke andar, ghadi ke taraf dekhta rahta hun ki kab 6 baje aur kab main uth kar ghar chala jaaun. Kya karein ji, nyaaypalika ki haalat hi kuch aesi hai, ye dekho ji, ye andhere badbudaar kamre. Inhe court kaha jata hai bhai sahab isme hum jaise judgon aane ka mann nahi karta aam janta ki baat to kya karein.

3 crore se jyada cases pending hain iss desh ke andar. Aur kul milake judge kitne hain, 21 hazaar. Yani dekha jaye toh ek lakh logon par ek judge. Date pe date padti rahti hai, log aate rahte hain, hataas hokar ghar jaate rahte hain.

Lekin fir bhi aaj bhi Hindustan mein jab kahin do logon ke beech jhagda hota hai na, koyi vivad hota hai, toh ek dusre se kya kehte huye paaye jaate hain, I will see you in court. Kyun karte hain bhai log aesa? Kyonki aaj bhi log bharosa karte hain.

Bharosa karte hain nyaaypalika pe. Unko bharosa hota hai ki agar sarkaar unki baat nahi sunegi, prashashan unki baat nahi sunega, police unki baat nahi sunegi toh court sunegi unki baat. Sunegi aur nyaay degi. Isliye bhai sahab, iss kursi par baitha mere jaisa har aadmi, uska yeh kartavya banta hai ki wo iss bharose ko na tutne de.

Jolly LLB 2 - Song Name

  • “Go Pagal” (Singer- Raftaar, Nindy Kaur)
  • “Bawara Mann” (Singer- Jubin Nautiyal, Neeti Mohan)
  • “Jolly Good Fellow” (Singer- Raam Kapoor, Earl Edgar)
  • “O Re Rangreza” (Singer- Sukhwinder Singh, Murtuza Mustafa, Qasir Mustafa)

Leave a Reply

Your email address will not be published. Required fields are marked *